詹瑞文讚記招娛樂大眾
雖然不少圈中人狂插陳志雲的記者會，但同樣有睇記招片段的詹瑞文，卻不計被對方曾下「無綫封殺令」前嫌，大讚對方於記者會上表現淡定，誦讀講詞之外還兼顧司儀一職：「佢係個好叻嘅PR、主持人同Performer，滿足到大家嘅娛樂話題，好似戴口罩係因為刮損面，碌柚葉老闆買一送一咁，唔理真定假都好有娛樂性！不過我唔明點解佢要紆尊降貴去睇公立醫生，而唔係去睇私立？佢喺度搞笑？」
問到詹瑞文可覺得陳志雲在記者會上有示威的意欲？他說：「都有少少，似同傳媒玩緊角力遊戲咁，佢講嗰句『真的假不了，假的真不了』就等如清者自清、人在做天在看、公道自有分曉、To be continued咁。」
杜汶澤則指：「喺呢件事上，我學到做藝人係要有擔帶，其他事我冇興趣知，只係學習到呢件事。」