千嬅丁字利是贈高層

楊千嬅前晚偕余文樂及導演彭浩翔，出席電影《志明與春嬌》的電影座談會，氣氛不俗。有傳曾參與去年於澳門舉行的《翡翠歌星賀台慶》的歌手，均會陸續被廉署要求協助調查，千嬅前晚稱並未聽聞此事：「我當日都係做番公司畀我嘅Job，經理人公司同唱片公司安排好歌手先出場。（酬勞有冇被壓價？）唔知，我係簽TVB合約做嘢，做歌星騷收番歌星騷價。」至於近日熱傳的送禮傳聞，千嬅即笑謂：「咁激？成件事仲調查緊，唔方便評論咁多。（你有冇送禮畀高層？）派丁字利是算唔算？我派咗畀好多人呀！（送禮畀老闆？）有送生日禮物，不過老闆送畀我嗰份，仲貴過我送畀佢嘅，我嗰啲只係小心意。」