周永恒：唔覺佢係同性戀
周永恒昨日出席手袋騷時，坦言與涉貪污被捕兼與陳志雲過從甚密的叢培崑曾是朋友，但因自己信主後，發現大家的價值觀相距愈來愈遠而漸漸疏遠，彼此已有三年沒見，周永恒說：「我同佢好唔同，佢好注重物質，總之我都希望佢冇事，因為我都識佢屋企人。（你有冇見過佢啲女友？）我識佢時都有見過佢兩個女朋友，但三年冇見，之後都冇見過佢啲女朋友。（覺唔覺得佢係同性戀？）我唔覺得佢係同性戀，佢靚仔又高大，以前仲做過PTU（機動部隊），我真係唔覺得佢鍾意男人。」
此外，叢培崑幾年前發生交通意外令友人身亡，原來周永恒當日亦在事發的車輛上，不過是落車後才發生該單交通意外，故沒有目擊發生意外的過程。