鄭嘉穎認TVB黨拒搞關係
鄭嘉穎、元秋、楊思琦等前晚齊齊於酒樓食飯，收看新劇首播，請客的嘉穎被問到有否請樂易玲時，他表示今次只是劇組食飯，更劃清界線指自己是「TVB黨」，只管做好本分！
鄭嘉穎前晚自掏腰包，在酒樓擺兩圍宴請劇集《鐵馬尋橋》一眾台前幕後工作人員。向來被指是高層樂易玲「寵兒」的他卻沒有邀請對方到場，更自稱只是TVB黨，對於「得寵」、「升呢」等字眼，他謂：「唔好咁講，你哋咁講即係擺我上枱，我不嬲都冇理呢啲，最緊要做好本分，其他乜都係假，乜嘢派唔係自己分，只係傳媒分啫！」
恭喜祖藍高價出騷
提到藝人接job的價錢被揭，其商場show價被指是六萬元時，他說：「其實睇吓做乜，做每樣嘢都有唔同價錢，使唔使唱歌、做乜嘢產品、同乜嘢人做嘅價錢都唔同，（王祖藍價錢好高！）恭喜佢囉！呢啲嘢自己接受到就得。」嘉穎又表示記憶中未接過陳志雲助手公司的工作。
「係都送製作統籌」
另外，嘉穎又坦言未送過名貴禮物給女高層，近日成為雜誌封面，他亦感到莫名其妙，並打趣謂：「多謝晒，橫掂依家個劇宣傳緊！我連監製都冇送過（禮物），係都送畀AA（製作統籌）啦，度唔度到期都係靠佢，當然唔過五百蚊。」對於繼任無綫總經理的人選，嘉穎表示自己身為小演員，誰做老闆都一樣。
同場的元秋被問到有關鄭中基與蔡卓妍分手一事時，坦言與鄭中基不會談及感情事，但她透露有關七小福的電影或許會有對方份兒，其次的還有陳奕迅、房祖名等。
文：影視組