楊受成丁母憂哀痛難捨
楊受成母親陳銀女日前不幸逝世，享年84歲，楊母在彌留期間，子孫和親屬合共六十多人陪伴床邊，侍母至孝的楊受成，對喪母感到悲痛和不捨之情。
陳銀女周日凌晨在養和醫院留醫，臨終前子孫和親屬共六十多人陪伴在床邊，直至凌晨三時安詳逝世，楊受成昨日回覆記者時，仍難掩喪母之痛：「媽媽呢兩年成日進出醫院好多次，有老人病，老人家年紀大，有事在所難免，雖然係咁，但我都懷着悲痛同唔捨得嘅心情，身後事依家安排中。」
楊諾思開解其龍
另外，楊受成長女楊諾思（Cindy）接受電話訪問時，稱嫲嫲遺容安詳，指嫲嫲最捨不得Gilbert（胞弟楊其龍），她說：「我成日喺嫲嫲耳邊講，叫佢唔使擔心，我會照顧Gilbert，同會睇住佢，Gilbert由細到大跟嫲嫲住，好錫嫲嫲，我哋幾姊妹會輪流陪Gilbert，女仔有唔開心會講出嚟，驚男仔講唔到出嚟，我會幫Gilbert祈禱。」至於楊其龍對嫲嫲離世難忍悲痛心情：「唔想講，多謝關心。」
文：名人組