克勤心痛薦名醫港版Victoria治心理
「萬人迷」球星碧咸前晚為AC米蘭出賽時受傷，因左腳跟腱撕裂而緣盡世界盃，圈中不少碧咸迷都大嘆可惜，英格蘭擁躉李克勤自薦為他介紹出色名醫，而陳慧琳及周秀娜就勸他轉行拍戲。
碧咸前晚比賽上不慎受傷，將無緣代表英格蘭出戰世界盃，相信對球迷大為打擊，身為英格蘭超級球迷的克勤說：「好傷心、好可惜，我有啲睇開相熟嘅醫生，佢可以透過傳媒搵我，等我介紹畀佢醫。」
林建明想照顧佢
曾為碧咸而改名「Victoria」的林建明有信心對方會醫好腳傷，她說：「不如叫佢嚟香港睇中醫啦，中西合璧一定得，我絕對願意照顧佢，仲可以幫佢做埋心理輔導。」樂基兒好友劉晨芝曾於美國發展，表示認識碧咸本人，跟對方見過幾次面，她表示會打畀對方問候一下，介紹對方睇中醫。
阿詩嘆世盃失色
據知，碧咸將遠赴芬蘭接受手術，預計要休息半年，甚至會被迫掛靴，楊千嬅、高海寧及何韻詩都大表遺憾，阿詩表示受師傅梅艷芳感染而迷戀碧咸，世界盃將失去這位萬人迷的蹤影，定必失色不少；而陳慧琳跟周秀娜（Chrissie）不約而同建議他改行拍戲，Chrissie說：「唔踢波可以拍廣告吖，我好鍾意佢個內褲廣告，好Sexy，咁靚仔又可以拍戲，叫佢老婆帶佢入行啦！」
採訪：音樂組