周永恒不屑叢培崑反目絕交

現於TVB音樂組擔任幕後的音樂人周永恒和太太趙梓淇（原名趙頌茹），與陳志雲「愛將」叢培崑的合照，在叢的Facebook內曝光，惹起不少傳聞。本報收到消息，周永恒與叢培崑相識多年，經常結伴踩單車，但近年因為有人不滿叢培崑為埋陳志雲堆，連女友都不認，因此兄弟反目。

踩單車認識

昨日記者致電周永恒，他坦言與叢培崑五、六年前認識，他說：「04年我搬到天水圍居住，因經常踩單車代步，與當年做單車巡警嘅叢培崑相識，後來仲發現佢同我之前拍電視劇認識嘅藝員寧進係舊同學，所以我哋成日一齊玩，曾經係好好嘅朋友。」

有傳因為周永恒不滿叢培崑為與陳志雲交往，連女友都不認而導致二人絕交？周永恒否認說：「我哋價值觀唔同啫！」問他如今兩人是否仍是朋友？周永恒停了一會說：「我哋喺電視城見到面，唔會打招呼！」會否致電叢培崑和寧進查問？他說：「我哋幾年無聯絡，亦無佢哋電話，無嘢回應。」

賺夠一千萬

而據聞叢培崑和寧進是小學同學，二人早年已搞派對賺錢，收益達五位數，但亦曾為分錢問題而吵大鑊。叢培崑又被指愛好名牌，曾當警察的他雖然月薪1萬8千元，但開支甚大。他因同袍在車禍中喪生後失業多時，加上深信相士批他短命，故他曾向友人揚言30歲前要賺夠一千萬。

另外，叢培崑的隱形女友「o靚版傅穎」Nicole Choi曝光後，在Facebook得到不少朋友關心，問候她與叢培崑的狀況，可見他們的朋友得悉二人的親密關係，Nicole正在富士山旅行，一直未有回覆，但她在晚上從朋友名單刪走叢培崑，並將他過往的所有留言及友人問候刪去。

文：專案組