女高層三宗罪

人「棄」我取

1.男女藝人送禮藉口多多，好多時以「買了唔啱使」為名，將名貴首飾、手袋、皮褸及皮靴等轉贈女高層。而女高層亦好巴閉，會開聲講鍾意啲乜，遇上唔啱口味，就直接叫人攞番走冇面畀。

「值錢」二手貨

2.女高層試過賣二手車，藝人為討好佢，爭相出高價認購，價錢高過市場定價多多聲，成為一時佳話，口痕友話女高層求其攞啲嘢出嚟賣都賺唔少。

遺物爭住要

3.一名資深女藝人病逝後，佢個女為感謝母親身邊好友，任人喺母親遺物中揀一件作留念，殊不知女高層話呢件物品可以令佢諗起同亡友嘅點滴，嗰件物品又可以諗起對亡友嘅思念，結果攞咗多件最名貴嘅手袋。