曾勵珍扯火：我冇收過袋

廉署上周四拘捕無綫業務總經理陳志雲後，大規模召見無綫旗下過百位藝員與幕後人員問話，有傳問話過程中，有人爆無綫高層經常收厚禮，身為無綫棄將的王賢誌日前在馬場時亦大爆有藝人在中秋節派月餅給監製，更有女高層收Hermes名貴手袋。

去年六月樂易玲生日，獲大批無綫藝員畀面出席。	王賢誌突然反口，不認指有女高層收厚禮。（資料圖片）	樂易玲昨晚輕鬆欣賞BIG FOUR演唱會。

鬧王賢誌傻仔

由於高層收厚禮在娛樂圈已不是甚麼秘密，只是不少人敢怒不敢言。王賢誌今次公開篤爆「女袋魔」言論，圈中人無不大感痛快，熱烈討論「女袋魔」屬誰。

鑑於「女袋魔」事件矛頭直指無綫一班女高層，以致人心惶惶，一眾女監製及女總監等成為傳媒追問對象。無綫製作部總監曾勵珍以電話回覆本報查詢時反應甚大，她說：「叫王賢誌公開女高層個名囉！總之我冇收過袋！我覺得啲人唔應該喺呢個時候仲喺呢件事上面糾纏，佢（王賢誌）正一傻仔！（咁你有冇被廉署問話？）唔答得，有同冇都唔答得，都唔應該同你哋（指傳媒）講！」隨即叫記者以後都不要再致電給她。

至於製作資源部總監樂易玲，則罕有地透過無綫外事部副總監曾醒明回覆記者。曾醒明說：「樂小姐對有關調查同所有報道都一概唔回應，佢話公司叫佢唔好再講咁多。（有指女高層收手袋。）之前講過貴過五百蚊都要申報。（會唔會進行內部調查？）唔會，傳聞嚟！」

負責監製大型節目《香港小姐競選》、《歡樂滿東華》的製作主任何小慧則說：「我冇收過藝人嘅禮物，但如果ICAC有需要會盡量配合，唔擔心調查，目前工作如常。」《東張西望》監製張嘉玲則稱：「平時收兩盒糖就有，好似陳倩揚新年整咗十幾廿盒蘿蔔糕，唔止監製、導演，連演員都有，呢個係有心嘅表現，唔驚接受調查，就算ICAC搵到都冇問題。」

引起今次軒然大波的王賢誌，昨日突然急轉軚澄清：「我唔係咁講，我只係話喺雜誌度睇過有呢啲事，唔係我親自睇過有女高層收袋，珍姐同樂易玲都冇打畀我，我都唔會打畀佢哋，我唔係無綫嘅人亦都唔係佢哋下屬，唔想好似匯報咁。」其後他又致電本報：「我收到幾個電話，個個都叫我要講就指名道姓，依家都擔心被ICAC問話。」

圈中平常事

不過，據知電視台中藝人送禮是平常事，有圈中人爆料指藝人為討好高層，會用盡方法送名貴首飾、名牌手袋、衣服及鞋等。但為免招人話柄，送禮人會揚言「買咗唔啱使」。亦試過有女高層賣二手車，竟有藝人爭相出高價認購，成為一時佳話。

此外，一名資深女藝人病逝，其女兒為感謝母親身邊好友，遂任人在母親遺物中選取一件作為留念。殊不知有女高層攞完又攞，件件都話可以勾起對亡友思念，結果攞了多件最貴的手袋，其貪心表現，令女藝人女兒十分不滿，從此不再來往，連新居入伙都沒有邀請女高層出席。

文：影視組