曾任「思潮」有份參與、於08年舉行的《澳門漁人碼頭美女廚坊》活動司儀，早前更現身陳志雲的新書發布會撐場，故此亦是陳志雲被捕事件的重要人物。昨日問到祖藍年前出席《美女廚坊》活動，有否遇過遭壓價情況？他卻「封嘴」拒回應：「件事交咗畀廉署處理，所以唔會回應。（有無畀人食價？）我點都唔會回應。（有無打過電話畀陳志雲或者SMS佢？）都唔回應。（有無人搵你助查？）真係唔回應。（覺得陳志雲為人點？）都唔講。（無綫勒令你封口？）呢個係我自己選擇唔回應。」
