Kelly爆炸頭型女升空
潮媽陳慧琳（Kelly）生仔後推出首張唱片，由美指奚仲文為她打造爆炸頭型女look，雖然花四小時駁了過百束即食麵頭，還要捱病騷香肩，但有「蝦餃仔」在背後支持，Kelly唱得特別有feel。
Kelly將於下周推出國語碟《微光》，這是她生完「蝦餃仔」劉昇後首張推出的唱片，為配合新碟敢愛敢恨主題，特意找美指奚仲文為她打造型女look，髮型師為她炮製即食麵巨髮頭，由專人將一束束髮絲駁上頭，打造出比《宮心計》的宮女頭更誇張的髮型。
如置身太空
貪靚的Kelly還換了多件露肩衫拍攝，襯上四吋高跟鞋，婀娜多姿，在黑夜繁星襯托下，猶如置身太空，極配合主題。拍照當日Kelly抱恙在身，故現場特備一個暖爐，以免她着涼，她亦專業地完成拍攝。
常將「蝦餃仔」掛在口邊的Kelly，亦很緊張新碟的宣傳，下周二（16日）將到北京舉行新碟發布會，相信她定然捨不得「蝦餃仔」，Kelly說：「依家有咗家庭，反而令我有更大工作原動力，特別係唱出新碟裏面充滿愛同正能量嘅歌時，諗起家人都會覺得好溫暖，特別有feel。」
文：音樂組