陸詩韻dry爆恨嫁

昨日，陸詩韻、楊思琦、胡諾言及高鈞賢等出席情人節心意卡設計比賽頒獎禮，陸詩韻表示情人節好「dry」，當日只是放狗及工作，她坦言都有人追，不過唔想令人誤會，同埋要成熟啲嘅男士，她說：「見身邊朋友都結婚生仔，自己都有啲憧憬同衝動。」更表示不介意做未婚媽媽。至於父親有否介紹男士給她？詩韻笑言：「冇呀，佢覺得個個男仔都會呃我！（因你畀人呃過？）有經歷先會成長，我都呃過人啦！」