伊館減租搶客 一峰落疊
紅館是一線歌手地盤，其他二線歌手想開騷，往往要另覓場地兼捱貴租，昨日本報收到消息，伊館現決定減場租，由過往從票房抽佣20%減至12%，大幅減4成，與商營機構Star Hall、亞洲國際博覽館搶生意，據知，各主辦機構收到康文署通知後，紛紛表示有興趣。
開設製作公司搞騷的歌手林一峰亦大表興趣，由於他今年將與妹妹林二汶合作出碟，問有冇興趣兄妹檔開騷？一峰說：「梗係有，伊館場地好啱做騷，不過之前嘅租金比例太貴，如果肯減租係好事。」而製作人丘亞葵亦謂：「本來諗住明年喺文化中心分別搞張德蘭、仙杜拉演唱會，依家會改為book伊館，依家演唱會好難做，冇十幾年前咁好景，製作成本又上漲，如果政府肯全線場館減租就好嘞。」