鄧萃雯公開尋愛瞄準柴九
「柴九」黎耀祥和「四奶奶」鄧萃雯在新劇再續前緣！未知是否不欲再與祥仔傳緋聞咁dry，雯女揚言現實中正在等待「柴九」這種絕種好男人出現！看來雯女有心覓真愛，藉此與緋聞拍檔祥仔劃清界線。
以獲獎無數的熱爆劇《巾幗梟雄》班底開拍的續集《巾幗梟雄之義海豪情》（暫名），昨日在將軍澳電視城試造型，演員包括「視帝」黎耀祥、「視后」鄧萃雯、敖嘉年、謝雪心、惠英紅等，還有新加入頂替吳卓羲及徐淑敏的黃浩然及陳法拉。
冧莊視帝有壓力
「柴九」今次在新劇改為扮演警察，與「四奶奶」飾演的毒梟形勢對立下又發展出微妙感情，問祥仔可有信心憑此劇冧莊視帝﹖他說：「到時先算啦，角色好難演，自己本來遊戲人間，依家講講吓都有啲壓力。」祥仔雖有「壓力」但亦有信心收視勝上集，他說：「呢套係編審張華標喺無綫最後一部劇，係佢嘅紀念作，我會百分之二百死一鋪畀佢，實行置諸死地而後生。」對於再夥拍雯女，祥仔不擔心再傳緋聞，認為公道自在人心。
公認好戲的雯女坦言今次演毒梟角色甚具挑戰，她說：「演咗咁耐戲都諗唔到有啲角色唔識演，睇咗十集劇本都仲係揣摩緊。」雯女又埋怨監製李添勝和張華標創造出又溫柔又會保護女人的「柴九」，當然贏盡fans歡心，但現實生活中卻難求，雯女坦言也在尋找「柴九」這種好男人。
法拉黃浩然補位
黃浩然與陳法拉在戲中飾演愛得轟烈的情侶，問黃浩然是頂替吳卓羲？他說：「都唔係頂替，係兩個唔同嘅角色，好開心有機會參與演出。」陳法拉被問到其男友公司Neway與黎明的官司，她說：「我哋好少傾生意上嘅嘢，佢會知點處理。」敖嘉年指早前拍電影失竊事件已交警方處理，未有新進展，對於有指無綫已將當日閉路電視影帶交警方，他說：「冇，報道話件事喺邵氏發生，其實唔啱，件事係喺數碼港發生先啱。」
採訪：影視組