周秀娜頻撲搵錢男友泰風流
吸金o靚模周秀娜（Chrissie）早前到日本行騷忙到癲，惟她的男友陳偉成（Avis），卻被發現背住女友，到泰國玩到癲，並與身材惹火、貌似混血名模Leah Dizon的女模Ella攬住合照，Ella還以巨胸壓向Avis，Chrissie得悉後激動表示要罰男友跪玻璃！
周秀娜與髮型師及兼職model男友Avis拍拖逾三年，感情穩定，兩人還試過以情侶檔姿態行騷，實行有錢齊齊搵。惟他們的戀情曾出現暗湧，去年曾傳出Chrissie養起Avis，而Avis又常被發現背住女友狂攬索女，更將攬女照上載到facebook；早前有傳Avis曾追求過崔建邦舊愛鄺敏慧，雖遭Avis否認，但足證他的桃花旺盛。
Avis享受「波餅」
曾有攬女前科的Avis，近日又被發現「背『娜』攬Ella」。事緣Chrissie本月初到日本為《Tokyo Girls Collection》行騷，但Avis未有陪伴在側，反而到泰國狂歡，他與有32C上圍的「泰版Leah Dizon」的泰模Ella盡興，Ella更在facebook上載與他的合照。相片中Ella身穿低胸裝，露出迷人的「事業線」，還不避嫌向Avis派「波餅」，Avis則顯得非常受落。
記者致電Chrissie，她聞言即緊張了解事件始末，並語帶激動說：「真係有啲咁嘅事？咁我依家買定啲玻璃樽，要罰佢跪玻璃。（你識唔識Ella？）我識Avis好多泰國朋友，但醒唔起呢個Ella。」對於男友的異性緣極旺，經常有女黐埋身，問Chrissie會否擔心？她不甘示弱說：「我都成日好多男仔黐埋身，大家都係平等。」擺明向男友示威！Chrissie續說：「我雖然做嘢忙，但唔會黐住男友，唔會check住佢，因為經驗話我知，就算check住，佢要變心嘅話都改變唔到，要管住個男人，盞搞到自己好辛苦，真係冇咁得閒。」
男方急澄清關係
Avis昨日亦透過電話急急澄清，他表示女友早前飛赴日本行騷的同時，他則相約髮型屋同事到泰國拜神，事前亦與女友備案，向女友派定心丸，他說：「每年我都會同同事到泰國拜神，順道約啲Model朋友敍舊。」Avis解釋與Ella合照當日情況：「現場有好多人，Ella係其中一個，Chrissie知我行程同埋見邊啲朋友。上次我有陪Chrissie去日本行騷，但今次就唔到時間，佢叫我去泰國拜神。」
問到會否擔心女友打翻醋埕？他說：「唔會，佢係成熟女仔，唔會隨便呷醋，我哋好信任大家，之前佢有同我去泰國拜神，今次佢去唔到，我都幫佢搵人跳舞還神。」Avis還自爆前晚已接女友機，相當細心。問到何時拉埋天窗？Avis說：「未咁快，依家我哋先開始搵錢搏殺。」
Chrissie vs Ella
姓名 周秀娜（Chrissie） Ella Tang
暱稱 「A貨樂基兒」 「泰版Leah Dizon」
三圍 32D、24、34 32C、24、34
身高 168cm 157cm
體重 95lbs 93lbs
職業 模特兒、演員和品 硬照模特兒
牌代言人
發展地 香港、日本 香港、泰國
代表作
去年推出寫真和攬枕掀全城熱話；9月獲邀到日本行騷；10月出席科技大學《周秀娜現象》成研討對象。
為香港及泰國拍攝美容產品硬照宣傳、雜誌時裝模特兒
文：專案組