林莉四招升Cup谷住嫁
女模林莉前晚以谷胸婚紗Look上陣，替代言的美容院拍攝全新廣告，有備而戰的她，上圍變得有睇頭，林莉坦承是以按摩、牛奶浴、加Pad及運動升呢四招換來的成果。
林莉以谷胸婚紗Look拍攝廣告，甚具視覺效果，她坦言：「為咗今次廣告特登做足準備，沖咗十日牛奶浴，又不停做運動，等皮膚Keep喺最佳狀態。（上圍升咗Cup？）我上圍平時34B，今日有加Pad，加上幾個月前有個朋友教我按摩胸部，見佢身材真係好咗，我都有試。試咗之後，以前啲Bra真係變得緊咗。（買新Bra？）每年我都會買兩次Bra，每次買十個、八個，大約用三、四千元。」
六位數酬勞
林莉接受訪問期間不慎露出左邊胸墊，她說：「今次廣告我會以婚紗Look同瞓醒Look示人，要畀觀眾感受到幸福同甜蜜。（咁性感酬勞好好？）今次係續約，酬勞有加碼，六位數字嘅中間位，我上一次都性感o架！我同呢間美容院合作愉快，好希望長期合作。我最想拍服裝、護膚品、鞋同化妝品廣告，拍護膚品同化妝品呢類廣告會拍得好靚，可以作為自己嘅代表作，（叫公司為你爭取？）佢哋已經好努力咁幫我Sell。」
文：影視組