Tom借公為私谷女友Evelyn新片
樂隊Mr.前晚舉行首次紅館演唱會，邀得陶喆前緋聞女友Liz、「阿倫」譚詠麟及火爆組合LMF擔任表演嘉賓，成員MJ及Tom獲女友卓韻芝及緋聞女友蔡穎恩（Evelyn）撐場，二人訪問時更趁機為女友宣傳新書及新戲。
人氣樂隊Mr.前晚在紅館舉行首場「Mr. Everyone Concert 1」演唱會，結他手MJ女友卓韻芝、鼓手Tom的緋聞女友Evelyn、組合農夫、譚詠麟等到場支持。陶喆前緋聞女友楊俐思（Liz）以性感舞衣打頭陣，大扭蛇腰辣㷫全場，五子接着以黑烏鴉造型登場，獻唱演唱會主題曲《黑色狂迷》，又翻唱張國榮、陳奕迅、殿堂級樂隊Beyond的經典歌曲。
LMF豎中指
MJ女友卓韻芝與外籍女友人到場，大方任影之餘，完騷後亦到後台大合照，Evelyn於開騷時低調到場。問MJ女友是否專程回港打氣？他即為女友新書宣傳：「唔係，佢返嚟做新書簽名會，順便嚟睇！」Tom得悉Evelyn有睇騷時謂：「又有呀？佢齣新戲《歲月神偷》上嘛，仲得獎，恭喜晒佢！」
原本在台下睇騷的阿倫，到演唱會中段時以嘉賓身份上台合唱連串快歌，以「Rock爆暴走族」造型出場的他，指Mr.踏上紅館前走了很長的路：「Ronny話試過窮到冇錢睇醫生，冚張被焗身汗同勁飲水就算，Band係好玩但係好辛苦，希望佢哋可以永遠永遠！」
事後Ronny笑謂見到校長時已心知不妙，而MJ大讚校長的占士甸髮型好勁、好激，Tom說：「佢頭先喺後台話我哋表現OK，畀心機，好多謝佢！」火爆組合LMF與Mr.合唱《揸緊中指》及《大懶堂》，LMF成員華哥情緒高漲豎起中指！
歌迷唔肯走
完騷時歌迷不肯離開，擾攘近十分鐘，最後大會播出四次離場廣播及亮着全場燈光，歌迷才陸續離開。
文：音樂組