穿脷環易染惡菌
除了Jessica C.外，不少圈中女星如衞蘭、安雅、范曉萱等都有穿脷環，勞永樂醫生指穿脷環有一定危險性及後遺症，最嚴重有機會令穿環者窒息致死：「我哋透過口腔進食，條脷經常接觸外界物質，係有好多細菌嘅地方，穿脷環等同整咗個傷口，初期傷口未穩定好易感染發炎，會腫、含膿，嚴重嘅會感染埋喉嚨，有機會導致窒息而死。（穿脷環會講嘢脷？）脷尖係成條脷最敏感位置，活動範圍亦最闊，對味覺同語言方面係好重要，環嘅重量會影響講嘢發音發聲，若果成日發炎嘅話，甚至會令機能組織受損，條脷會變得唔靈活。我唔建議穿脷環，穿耳較為安全。」
