Lynn投城所好滾滾愛味濃

名模熊黛林(Lynn)和警鐘胸潮模Jessica C.雖分別對感情問題一個曖昧一個公開,但同樣戀愛大過天,甘為愛郎投其所好,前者為城城「赴湯蹈火」打邊爐,後者因男友一句喜歡常戴脷環。

日前被拍得和郭富城前後腳打邊爐的Lynn,前晚以嘉賓身份,率一眾名模如Cara G.、Ana R.和陳敏之等出席《意大利珠寶展匯演2010》。Lynn明顯春風滿面,並以斜膊裝谷胸示人,佩戴大會安排的過百萬鑽飾,成為全場焦點。

被逼供大叫救命

對於城城當日打邊爐後心情大靚當眾哼歌,Lynn即甜絲絲說:「係咩!(食得飽唔飽?)食飯梗係要食得飽,(係咪感情浮面?)食飯之嘛,好簡單啫!(城城哼歌?)唔知喎。」至於為何常打邊爐,Lynn說:「你哋都知我鍾意,喺南京日日都打邊爐,香港啲餸味道淡,唔係好慣,我食得鹹啲,(城城食嘢味道濃啲?)係啩,(係咪開始同城城老友張智霖熟?)唔好再逼我啦。」Lynn又否認城城的新車牌NN887是代表她,更稱不知道車牌有何意思。

男友拒送真鑽石

另外,人氣名模Jessica C.昨日出席「新城市廣場 X 《Alice In Wonderland》」時裝騷,以b+ab的露膊裝及短褲晒肩露腿,並透露剛在米蘭和男友Sergio過情人節,收到對方所送的鑽石形戒指:「佢話唔送真鑽石,因為呢個款更襯我,我送咖啡機同耳環畀佢,(求婚?)哈!仲未!」期間,記者發現她穿有脷環,她承認三年前已穿:「當時穿完又痛又腫又流口水,做model唔方便紋身,穿脷環可以收埋,(男友鍾意?)係,佢鍾意!」男友如此喜歡,難怪Jessica C.再戴脷環以氹對方歡心!

文:名人組