容祖兒、古巨基、陳奕迅（Eason）和張敬軒前晚出席廣州舉行的「音樂先鋒榜」頒獎禮，各捧四獎，平分秋色，英皇旗下歌手共奪23個獎，成為大贏家。開場時，大會安排祖兒、Eason和基仔齊企第一排，突出三人在樂壇舉足輕重的地位。
阿Sa被大陸傳媒追問Twins合體開騷，她說：「以前我同阿嬌都唔夠自信，尤其表演同說話方面，但呢兩年我哋喺各方面成長好多。（擔唔擔心阿嬌唔適應舞台？）唔會，呢兩年我哋都有好多演出機會。」阿Sa並透露Twins將於開騷前出一張新歌加精選碟，有記者問她們年近三十，歌曲走甚麼路線？阿Sa笑說：「依家唔係（少女）啦，唔會再唱學生feel嘅歌。」
至於阿嬌的前緋聞男友方力申亦有出席攞獎，還與現任緋聞女友鄧麗欣同台，對於Twins合體開騷，小方不知是否怕鄧麗欣呷醋，只說與阿嬌很久沒有聯絡，更沒有主動打電話或SMS打氣。
至於獲「全國最受歡迎男歌手」的Eason，成為全晚反應最熱烈的歌手，由於去年他因塞車遲到綵排，故今年早早到場，被導演大讚專業。軒仔因喉嚨受病毒感染嚴重化膿不能唱歌，一臉病容的他獲觀眾掌聲支持。