惠英紅鎖定金像添圓滿

惠英紅和大陸演員王學圻分別憑電影《心魔》和《十月圍城》勇奪「第十六屆香港電影評論學會大獎」的最佳女、男演員，昨日二人出席頒獎禮，身穿價值三萬二千餘元ESCADA裙的紅姐上台時很激動，口震震表示很開心自啟蒙老師志偉手上接過獎項，希望能再下一城奪金像影后：「今年係我入行31年零兩個月，如果攞埋就圓滿，我第一屆攞個影后獎同其他人唔同，有啲困惑。」因朋友對她期望很高，令她緊張到出緊張性濕疹。

王學圻佩服港星

首次在港獲獎的王學圻同樣激動，又說與香港演員合作過後大為改觀：「最初以為謝霆鋒只得靚樣，原來他可以幾日不落妝、為人好刻苦，好佩服。而黎明收工都願意瞓街對戲，很專業。（有沒有信心再奪金像獎？）我沒有想太多，任達華相當出色。」志偉指陳可辛曾ＳＭＳ短訊給王學圻，指電影評論學會大獎比金像獎更為厲害，王學圻即反問：「真的嗎？為甚麼沒有人來的？」

志偉提及尹志強追思會時表示將於15至19日其中一日舉行，可能會到新伊館或南華會舉行：「南華會係尹佬出身嘅地方，但都擔心天雨所以睇埋新伊館。」志偉又說曾與米雪傾過，她提及很多尹佬生前的想法，不想朋友傷心，所以追思會想球迷和朋友都開開心心，米雪的心情則ＯＫ。

文：影視組