滕麗名催谷過度變爛咪

滕麗名、米雪昨日早上在奧海城繼續為《女人最痛》開工，劇情講述阿滕為幫米雪的唇膏宣傳，刻意穿上「中門大開」的性感服裝，露出胸前大「痣」，吸引一班電車男來收宣傳之效。由於服裝性感，又有不少男性臨時演員及圍觀者，故不需拍攝時，阿滕都即時披上外套，以免「蝕底」。

米雪強忍傷痛開工。

米雪投入拍攝，獲滕麗名大讚專業。

阿滕會於今日完成劇集的所有戲份，她表示拍得很攰，問到是否經常谷胸而谷到攰？她笑言：「成日都着成咁！拍攝時鏡頭由上面拍落嚟，仲要我趴低嚟配合，所以好攰囉，個設計師好嘢呀，件衫係樽領但又開胸，真係輸晒畀佢，我驚走光所以成日黐膠紙，黐到損晒，變咗爛肉呀，（係咪拍完暫時唔再性感？）係呀，要收起『咪咪』，否則唔矜貴。」

米雪神情恍惚

至於同場的米雪，雖然帶着男友尹志強離世的傷痛開工，但表現相當投入，偶爾會跟同事說笑，但亦有神情恍惚之時。表明不接受採訪的她仍保持住笑容，就連拍檔滕麗名也讚她開工時表現專業。今日米雪將拍此劇最後一日戲份，亦會出席晚上的煞科宴，相信她接着會為稍後舉行的尹佬追思會打點。文：影視組　攝：沈健程