黃長發認慾照主角之一

前港男黃長發自與三奶Karen爆發忘年戀後一直成為新聞人物，飽受負面新聞拖累的他已淡出幕前，現於Synergy Model公司擔任經理人。不過前日互聯網爆發「疑似黃長發情慾照」風波，令他再度成為傳媒焦點。

事忙為由唔受訪

長發昨午照常與友人外出用膳，期間對記者的問題一律零反應。由於場面混亂，長發的朋友試圖阻止記者拍照，雙方爭持一輪後，最後要由長發出面擺平事件，而他在餐廳只逗留四十五分鐘便離開。

記者昨日多次致電長發，不過他均以事忙為由拒絕詳談。當記者走訪長發公司時，職員只叫記者留下卡片便打發記者離開。其後記者再致電長發，一名自稱是霍小姐的公司職員表示他已離開公司，霍小姐謂：「今日大廈管理員嚟投訴，話因為門口太多傳媒嚇親大廈啲人，老闆亦為咗呢件事好唔開心。阿發為咗唔好為公司同其他客戶帶嚟不必要嘅騷擾，所以決定返屋企避開傳媒，連電話佢都留低埋畀我哋，我哋都唔知佢聽日仲會唔會返工。」不過記者於晚上七時十五分發現長發離開公司大廈前面的停車場，並一支箭標上的士離開，成功擺脫記者。

拒交代相片來源

長發刻意避開傳媒，他的哥哥黃長興就向記者表示，長發承認該批情慾照中的數張大頭照主角是自己，至於為何會被拍下這些照片，長發則沒有解釋。長興表示：「阿發認啲相係佢，但video就唔關佢事，至於點解其中一張佢嘅相會冇着衫，佢覺得唔需要解釋，因為佢話要將兩樣嘢合成埋一齊嘅話，梗係要搵張最合理嘅相擺埋一齊啦！」長興又表示長發與家人暫未決定將行動升級：「我哋唔會做任何嘢，唔需要理呢啲人！我哋唔擔心，大家都知道唔係佢。」

文：影視組