吳浩康和莊思敏拍拖三年幾，表現恩愛，雖然兩口子曾否認拉埋天窗，又強調兩、三年後才有結婚計劃，惟兩人未雨綢繆，早已為婚事作好準備，甚至有可能在今年共諧連理！最近Deep和Jacquelin到又一城拍拖，他們路經首飾店時，即被大大粒又搶眼的鑽石深深吸引，Jacquelin更二話不說急步走入店內，Deep則緊貼女友。

甜蜜吱吱

二人在店內已有「共識」，專攻孖裝戒指，兩人甜蜜吱吱噚，不時研究婚戒款式及價錢，不過他們未有即時「扑錘」；之後兩人轉戰其他珠寶店，Deep着店員端出價值五位數的戒指，氹得Jacquelin笑到「四萬咁口」，惟兩人最後只得個「睇」字，未有斬獲。

除了閒逛珠寶店外，他們還到旅行用品店揀篋，還極速買了情侶篋，並不理途人目光，大模廝樣在商場拖篋四圍行，十足大細路。

店員遞上婚戒給吳浩康和莊思敏過目。

吳浩康和莊思敏拖着旅行篋在商場四圍走，認真貪玩。

幫男友扮靚

其後Jacquelin發現護膚品專櫃，即目不轉睛細心研究，不過她並非幫自己扮靚，反而是為男友Deep塗面霜護膚，而Deep亦乖乖地就範任女友塗面，場面溫馨又搞笑！

據悉兩人心急買情侶篋，是為了赴泰國度假兼「預支蜜月」，Jacquelin甜蜜坦承會和「屋企人」去旅行充電，未知她所指的「屋企人」，是否包括Deep呢？

文：專案組