「天王嫂」樂基兒（Gaile）嫁雞隨雞，轉投老公黎明所屬的經理人公司，閉門一家親，Gaile今後在黎明的護蔭下工作，她坦言相當放心。
Gaile嫁給黎明後生活無憂，之前有傳她無心戀戰，有意退出模特兒天橋，由黎明打本給她開新model公司，轉做老闆力捧model開拓生意，不過，昨日黎明所屬的百仕活經理人公司，宣布已跟Gaile簽約，Gaile正式成為旗下藝人，現在開始，她的一切工作都會由經理人陳善之（Joe）負責處理。
與舊公司關係好
問到Gaile加盟百仕活是否黎明關係？Joe否認：「當然冇關係，呢個只係傳媒嘅想法，黎明同Gaile都係好專業嘅幕前工作者，佢哋做事一向公私分明，我對Gaile嘅工作態度一直都好欣賞，今次有機會合作好開心，對公司嚟講亦絕對係好事，因為公司需要唔同嘅藝人。」
至於Gaile則避談黎明，只說：「有Joe為我安排工作，感到相當放心。」而合作多年的前模特兒公司Cal-Carries Models，Gaile指大家關係依然友好，絕對不會因轉公司而有任何摩擦，記者致電Gaile前模特兒公司，但至截稿前冇回應，而其公司網頁卻仍有Gaile的相片，並附註「in town」，未剷走Gaile的檔案。
熊黛林唔會跳槽
另一位「天王嫂」熊黛林昨日出席Estee Lauder活動，問會否學Gaile加盟郭富城的經理人公司？她說：「我唔會轉公司，因為小美唔識我，未見過面。（派定心丸畀經理人Kim？）我哋合作咁耐，佢全心全意安排我所有嘢，唔止工作上錫住我，連搵屋都搵埋佢附近，方便照顧我，佢係一個好好嘅經理人，我當佢係家姐。（幾多錢都唔走？）好多嘢唔係錢買到。」
文：音樂組