Cara G.、林莉、陳見飛昨日一同出席一田百貨舉行的「Bra之魔法泡泡」騷，林莉及陳見飛沒有穿內衣上陣，而Cara G.則與一班外籍女模以性感內衣行騷。行內衣騷對Cara而言已是駕輕就熟，加上迷人笑容及電眼，迷倒在場男士。期間Cara更使出舉手除衫、解Bra扣等幾個動作，將現場氣氛推至高潮。雖然大會安排陳見飛打頭陣及林莉壓軸出場，但兩女因沒有以內衣出場，加上面對Cara G.的導彈，故明顯失色。

自爆年過三十

而陳見飛穿上一件低胸內衣裙，以打頭陣方式出場，問她是否真空上陣？她竟反問：「乜嘢係真空？」經過解釋後，她說：「係呀，我入面冇着！原來真空係咁解！」問到她為何不穿內衣行騷？她又竟然自爆年齡，並說：「依家唔同啦，我都成三十幾歲人，唔會做呢啲嘢，以前廿幾歲就做過！」

身材惹火的Cara G.以內衣行騷，贏盡風頭。

林莉（左）及陳見飛站在Cara G.身旁明顯失色。

想行野性路線

另一邊廂的林莉就解釋自己以嘉賓身份出席內衣騷，不過她就表示自己不介意行內衣騷，更說：「我覺得自己好少以sexy形象示人，都希望自己以後可以性感同野性一啲！」繼而又表示自己不介意穿T-back內褲行騷，她說：「我之前睇過阿Sa一個訪問，佢話揀工作做好折墮，我好認同佢嘅講法！」

採訪：名人組