Stephy昨日身穿一襲白色連身裙，率名模Mandy Lieu及「翻版徐子淇」鍾浠文出席SHISEIDO活動，大會邀請來自台灣「美容教主」牛爾老師為三位嘉賓示範使用護膚產品的正確方法，並親自指導Stephy如何塗抹防曬液，除為Stephy的手部上下按摩，更以雙手將防曬乳液塗勻Stephy整條臂膀，可是由於他十分認真，在塗抹過程險些觸及Stephy的腋下，令Stephy面露尷尬之色，惟有不斷傻笑。

嘲小方粗心大意

事後Stephy坦言：「我知道牛爾老師會按摩我隻手，但唔知佢會咁細心，佢差啲按到我腋下！（係咪好尷尬？）係有少少尷尬架，不過佢按得我幾舒服！（掂到重要部位？）好近，但未到，有啲痕囉！」至於緋聞男友方力申有否這樣細心替其按摩？Stephy說：「佢係一個粗心大意嘅男仔，又唔貪靚！」

牛爾	Mandy（左）與鍾浠文穿上短裙出席活動，美腿生輝。

遭錯認Stephanie

另外，剛注資入主金牌大風的龐維仁，其母龐盧淑燕昨日出席某公開活動時，被問最熟悉哪位歌手？她坦言：「我有聽過張惠妹嘅歌，（有冇留意其他歌手？）Stephanie囉！」記者問她是否指Stephy時？她笑笑口說：「係呀，係呀！」對於被龐老太錯認，Stephy表示不介意：「我成日喺街畀人叫錯Stephanie，但禮貌上都有應對方，之後先話佢哋知我叫Stephy！」

牛爾Profile

原名：牛毓麟（「牛爾」取自乳名「牛兒」的諧音）

年齡：43歲

學歷：台北醫學院醫事技術系畢業

書籍作品：《牛爾的愛美書1－天然面膜DIY》、《牛爾的愛美書 2－全面保養DIY》等

採訪：音樂組