被封為「香港女神」的Angelababy與陳偉霆（William）傳出分手後，二人戀情又似藕斷絲連；另一方面，又傳出女方與內地男星黃曉明撻着，令她周旋在三角戀之間。日前繼續有報道指Baby返回上海度新歲期間，竟有家不歸，而住當地酒店以方便與緋聞男友黃曉明密會。

每次都住酒店

由於與黃曉明的緋聞愈傳愈烈，Baby經理人Kim不得不再為她作出澄清：「其實Baby家事我唔想講太多，但今次要澄清番，佢每次去上海都要住酒店，因為婆婆屋企唔大，唔通要老人家同佢逼咩？」昨日Baby亦在網誌上公開於外婆家中開餐的照片，而且婆婆更準備她最愛的「蟹宴」為她洗塵，無聲澄清與黃曉明緋聞。

現身在夏威夷的Baby亦一於懶理自己緋聞，住在無敵大海景酒店的她謂每天被海浪聲吵醒，剛剛適應了時差。她表示已愛上滑水運動，不惜以背心熱褲示人，大晒長腿之外又騷首次成功「上水」的英姿，寓工作於娛樂，忘卻三角戀情。

「唔想再糾纏」

對於前緋聞女友Angelababy於上海與黃曉明密會，William一律表示不回應，他只說：「唔想再糾纏喺緋聞。（有冇再聯絡？）新年都有互相祝賀。（Baby話你係疏遠朋友？）好正常，我哋都有長時間冇見面。」

文：專案組