羅啟銳和張婉婷憑《歲月神偷》揚威柏林，昨日兩人接受查小欣訪問，羅啟銳表示電影籌備了10年，經歷多次叩門被拒滋味：「我話拍自己童年故事，啲人話冇人想睇，結果就拍咗《七小福》，因為啲人會睇成龍，自己惟有喺戲入面加一個童年角色。」
問是否迷戀自己的童年才拍《歲》片？他說：「唔係迷戀，細個發生咗一件事對我創傷好大，當時哥哥出咗事，明白生老病死，所以好想拍一部戲令自己釋懷。」另兩人昨日出席電台團拜，對於永利街諮詢結束，羅啟銳說：「希望政府新嘅盡快建設，舊嘅唔好拆咁多。」而張婉婷就希望將永利街翻新，保留舊貌。
