靚靚與家輝年前因結片緣後成好友，近年經常被拍得一併家庭聚會的照片。昨二人應邀出席護膚品牌Lancome活動，一唱一和引得全場發笑，而同場更有台灣人氣模特兒宋紀妍、雪芙以性感短裙助陣。對於被揶揄為「惡女人」，靚靚不怒反笑，且認同家輝之言謂：「惡都唔係唔好嘅，起碼嚇怕啲冇禮貌、或者想問我借錢嘅人。（對住老公張智霖都係咁？）我老公份人好有原則，有時好堅持自己嘅睇法，所以我會改用以柔制剛，大部分時間都work嘅。」

袁詠儀成為品牌美白代言人，特盛裝出席活動。

宋紀妍（左）與雪芙以性感短裙上陣，吸引不少鏡頭。

變小鳥依人

當被問到是否成功擊退老公身邊「飛來蜢」，靚靚則坦言：「如果有問題，我淨係會安排一個安靜環境畀佢思考，等佢諗清楚想變定維持現狀，吓吓用手段，自己都好攰。」有指她與老公在一起時，即變小鳥依人，靚靚毫不掩飾謂：「咁你愛一個人，梗係珍惜佢o架啦！」乘機對老公發表愛的宣言。

生個仔幫拖

張家輝談到靚靚，則笑謂：「好聽咪（性格）爽囉，難聽講句即係臭檔。」對於被靚靚取笑他畀妻女恰到一戙都冇，他坦承自己身邊統統都是惡女人，問到他可有打算生個囝囝「幫拖」，家輝不禁謂：「雖然呢個主意唔錯，不過我成日唔喺屋企，容乜易佢被訓練為『無間道』o架？」雖然有感太太關詠荷性格太強，但家輝仍沒有後悔當初選擇：「如果搵個吓吓小鳥依人、賢良淑德嘅，我又未必受，總之兩個人嘅相處，尊重最緊要。」

另外，談到《歲月神偷》揚威本屆柏林影展，家輝表示：「相信中國電影會喺海外愈嚟愈有影響力，我有幸成為呢架火車上嘅一分子，而且見證住電影史上邁前一大步，當然覺得好光榮啦！」

文：影視組