蔡卓妍（阿Sa）最近與師弟林峯首結片緣，於古裝喜劇《翡翠明珠》飾演鬥氣冤家，日前拍攝兩人結婚戲，一對新人坐於古代花車前留影，不過阿Sa卻認為穿婚紗過程相當複雜，故決定將來結婚放棄穿婚紗。
古裝扮相的阿Sa嘴扁扁表示，每日要花上三小時裝扮：「件衫啲質地好硬，勒到我肩膊位紅晒，仲要一着咗套衫之後又唔坐得，好無奈呀！」阿Sa續說：「遲啲容祖兒同王祖藍都會加入，我哋玩四角關係，最好日日廠景，一定好好玩。（同阿峯有冇親熱戲？）劇本仲改緊，一時有一時冇，哈哈！」阿峯則謂：「之前聽聞係有，但劇本暫時未去到囉！」
而飾演太監的杜汶澤，對於片中有諧音粗口對白表示冇有怕，笑言向來控制說粗口甚有經驗，故不擔心拍攝時會失手。