從台灣來港發展的美女劉心悠，日前相約同是單身貴族的Tiffany辦年貨，兩女見到可愛的虎年公仔和充滿節日氣氛的擺設，都開心得抱住不放，童心未泯。談到今個大年初一兼情人節如何度過，兩女均表示會跟家人熱鬧度歲。

心悠雖然曾與台灣型男郭品超、藍正龍傳緋聞，但其實她出道至今感情一片空白，她笑言：「其實我係『宅女』一名，唔使開工就最鍾意匿埋屋企玩facebook，得閒睇吓書、劇本、整吓嘢食。平時我只會同啲相熟朋友出街，所以冇咩機會識新朋友。」踏入新一年，她揚言要「開放啲」積極交友，擴闊生活圈子：「其實做藝人要接觸多啲唔同層面嘅人，互動過程中會對演藝事業有幫助。（物色男朋友？）唔係話遇就遇。」談到擇偶條件，心悠表示不需要是圈中人，但對方一定要懂得體諒她：「我成日要四圍拍戲，可能會冇時間陪佢，呢個男仔又要忍得到我拍戲會同男對手有親熱戲，真係幾難搵！」

李蘢怡想合作

至於同是單身一族的Tiffany，竟坦言不想拍拖，問她拜年時家人會否向她催婚？Tiffany笑說：「冇，我梗係唔想咁早派利是，我都未做好自己嘅事業，我要做時下女性，成為一個有質素嘅年輕人。」她又大讚心悠工作認真，希望有機會合作拍戲，她說：「佢唔鍾意我叫佢做師姐，其實我叫佢師姐嘅原因，係因為我真係覺得佢工作好專業，所以好想同佢合作。」

欲參演舞台劇

談到新年願望，心悠希望工作能有新嘗試，舞台劇和話劇是她最熱切期待。自稱閒時在家會下廚的心悠，果然入得廚房出得廳堂，示範自製最愛的蘿蔔糕時亦有板有眼，她說：「台灣過年都有食蘿蔔糕，所以一直都想跟師傅學整，希望新一年樣樣都步步高陞！」

先將白蘿蔔洗淨、去皮，再切成幼條，加小量胡椒和鹽，以慢火炆煮至出水（蘿蔔水不要倒掉）。	把三碗水磨粘米粉，加入三碗水，以手攪拌成糊狀待用。	把洗淨的冬菇和臘腸切粒，加入瑤柱絲和蝦米落鑊炒香。
把已炒香的材料和白蘿蔔放到煲中煮沸，再加入粉漿攪勻。	把收水至稠身的粉漿以盒子盛載，放入蒸籠以大火蒸約一小時。

文：影視組

鳴謝：鴻星海鮮酒家

髮型：Chris Cheng、Johnny Lo@IL COLPO（TST）

化妝：Jan Chan、Leo Tam@Annie G. Chan

攝影：馬永堅

場地：繽紛花藝廣場