李司棋趁住初七人日，宴請一班同經理人的80後食飯，司棋姐叫了多款意頭菜式，其中一道發財好市瑤柱脯，司棋姐更鬼馬玩「食字」：「個個都要食粒瑤柱，食咗人人變台柱。」呂慧儀、高海寧等上位花旦個個讚好。
司棋姐透露每年都會派五位數利是：「今年預咗六至七萬派利是。」說罷即從腰包拿出大疊利是，一班未婚的80後個個伸手狂搶，馬賽和姚子羚排位最有利，坐正司棋姐身邊攞多幾封，馬賽打開後即雙眼發亮說：「嘩！司棋姐出手好重，平時初十後先拆利是，但今日太開心真係忍唔住睇吓。」而呂慧儀透露每年大年初一都會派利是：「前輩教嘅，大家開心氣氛會好啲。」
場地：漁喜小菜皇
