經常與妻子以華麗裝扮出席大小場合的社交界名人周啟邦，前日因癌病在養和醫院逝世，終年七十五歲，並定於本月27日設靈，28日出殯，採佛教儀式進行。昨日上午９時50分，穿上黑衫的兒子周國豐，與兩名工人到醫院領取遺體。約半小時後，神情哀傷的周國豐，全程戴上口罩，與一名殯儀館職員步出往停車場，待殯儀車駛出後，他再乘七人車直往香港殯儀館辦理父親身後事，逗留了十分鐘離開。
妻兒今日可出院
周國豐獨自乘車到銅鑼灣一間齋舖午膳，離開時將手上一袋外賣交給工人後，單拖漫無目的在附近行街。問到家人心情如何，他說：「其實屋企人心情都低落，但依家都平復咗喇！（媽咪點呀？）佢都唔開心，覺得好可惜，但媽咪都好堅強。（會否帶ＢＢ出席喪禮送爺爺最後一程？）我都想，但係都要問咗做法事嘅師傅，大家再研究吓先。」他還透露醫生觀察過太太和ＢＢ，兩人身體狀況健康，今日可以出院。
周國豐逛了個多小時，在附近書店分別購買了兩本應用科學及宗教的書籍，然後乘七人車返回位於摩星嶺道的周家大宅。其後工人把車上的鮮花逐一搬進屋內，而大宅門前就擺放了一支紅蠟燭及一個化寶盆。
林燕妮擔心周太
另外，周啟邦生前好友林燕妮表示最擔心周太：「我識咗邦哥都有卅年，覺得佢除咗肥之外，其他都好健康，冇諗過去得咁快。我同好多香港人都會懷念佢，回憶佢帶畀大家嘅開心同快樂。（會否痛心？）我依家最擔心就係周太，以我所知周太一直好倚賴邦哥，因為邦哥曾經講過，話太太隻腳好細，但又好貪靚，成日都要着高踭鞋，邦哥驚佢跌親，所以去到邊都會拖住太太。」
文：追蹤組