阿Sa、林峯、王祖藍、關智斌、湯怡、洪卓立、張致恒、苟芸慧、龔嘉欣、狄龍等，昨日出席由邵氏電影製作公司與英皇娛樂合作的新片《翡翠明珠》拜神活動。

阿Sa透露在戲中與林峯由鬥氣冤家變為情侶，而現實之中，她與林峯亦經常鬥氣，就好似日前二人拍攝一場搶玉珮戲，劇情講述林峯上前強搶阿Sa懷中之玉珮，導演要求林峯依着阿Sa的胸部形態而將手掬成弧形，不料林峯竟攤大手板，暗示阿Sa平胸，激到她紮紮跳，她說：「佢有時好衰，成日整鬼我，正一死仔包嚟。（同林峯會唔會過電？）我要諗計整番佢，應該OK頂得住。」

苟芸慧演公主

而林峯就指阿Sa好好玩，他說：「我話佢平胸？玩吓啫，阿Sa好好玩，呢套係喜劇，好多演員都好好笑，令氣氛好好，好多謝佢哋，因為我仲拍緊套時裝電影，前日到依家未瞓過，有佢哋笑吓冇咁眼瞓。」

此外，「華姐」苟芸慧首次拍攝電影，於片中飾演公主，她大讚前輩狄龍性格隨和，樂意提點新人。

文：影視組