郭富城拍攝彭順執導的寰宇新戲《B+偵探》，有雜誌指《風雲II》因票房失利，令城城和小美不信任寰宇老闆林小明，提出睇《B+》試片和補戲云云。
昨日小美接受本報訪問，力斥報道惡意抹黑、借刀殺人：「係構成罪名，我同城城一直好尊重小明哥，大家係好好朋友，絕對唔會因傳言影響我哋同寰宇交情，喺彭順婚禮度我哋仲傾緊未來好多合作大計。」
對於報道指她睇試片，小美沒好氣說：「好無聊！睇試片係一向習慣，唔知點解會係新聞？《B+偵探》根本都未拍完，因為彭順要籌備婚禮，所以先跳拍其他演員戲份，等婚禮完成城城即繼續拍攝，既然未拍完，何來補拍？」
林小明亦力撐城城和小美，指根本並無其事：「我同小美識咗十幾年，佢唔係咁嘅人，報道失實，離晒大譜。」