早前她秘密前往東京接拍當地勁受歡迎的漫畫雜誌《Young Jump》，繼續大晒32D豐滿上圍及白滑長腿，以火辣三點式性感上陣，令當地只得幾度的氣溫即時急升，文章還稱她為「香港o靚模寫真女王」。據知報道出街後，她在香港的網上日誌一度出現「大塞車」情況，可見秘密「武器」已備受日本網民注目。

跟男模約會

Chrissie坦言拍攝時天氣寒冷，幸好工作人員細心地在每個鏡頭後替她披上毛氈，但即場被身邊的經理人Roy踢爆她在日本有艷遇，她解釋：「喺Casting嘅時候識咗個日本男Model，之後又喺工作上見面，跟住佢約我去飲嘢，我有應約，不過係成班人一齊去。」當記者追問她有否機會發展，她即為現任男友Avis打強心針說：「我喺香港都發展得好好。」她笑言唔介意識日本男性朋友，因可助她日文更流利。文：專案組