樂隊Mr.昨日到銅鑼灣HMV舉行簽名會，吸引300歌迷到場支持，由於3月舉行的演唱會爆滿而加開3月6日一場，Mr.成員就即場抽籤送出10張門票答謝歌迷，主音Alan說：「我之前都係HMV嘅兼職員工，今日見番咁多位同事都好開心，因為當年大家都好支持我夾Band玩音樂。」
Mr.表示新碟《Like Black》推出第一日已賣清光，附送結他Pick頸鏈的限量版更是供不應求，Alan笑言：「多謝葛民輝幫我哋設計，黑色頸鏈簡單係Mr.絕配，加上Dash已經開咗光，大家只要畀多九十九個九，就會有妙不可言嘅效果。」
