G.E.M.昨日出席有關強積金活動時，竟推翻早前自爆獲圈中男追求一事，她說：「冇件咁嘅事，係我發緊夢，唔係真，冇人追。（追求者畀壓力你？）唔係，成件事係假，唔好再問，好驚，步步為營。」問到為何要反口？G.E.M.哀求說：「總之我講乜，你哋就寫乜啦。（講大話？）係呀。」
對於有傳該追求者是陳偉霆，G.E.M.否認說：「唔係，我未入行已經識佢。（佢同Angelababy分咗手？）唔知。（佢係咪叫你做豬豬？）唔係，忍受唔到呢個名。」至於趙梓淇（前名趙頌茹）未婚懷孕，身為基督徒的G.E.M.說：「我暫時未有呢個機會。（力保不失？）唔知第時會唔會發生，聖經冇講過唔可以有性行為，只係不能奸淫，每個人定義唔同，我會用理智去克制。」