黃百鳴執導的《花田囍事2010》，與曾志偉執導的《72家租客》未正式上映已爆出票房大戰。兩片同時在星期六（6日）上映晚上九點場和午夜場，以及星期日（7日）上映四點場，根據影協的數字指出，《花》片收559,816港元，而《72》片則收508,374港元。曾志偉昨日出席公開場合時卻表示《72》片收六十多萬，他說：「可能大家查票房唔同時間，大家未拎晒所有戲院資料啫。其實大家唔係差好遠，不如一齊做宣傳。我叫黃百鳴睇我部戲首映又唔敢嚟，佢份人係咁唔敢面對現實，今次仲避到咁遠。（怕佢嬲？）唔怕，我成日打畀佢挑釁佢。」
黃百鳴則說：「得把口講有乜用，影協有晒數字作準。依家未上映都係熱身賽啫，上映先睇勝負囉，最緊要係觀眾鍾意邊部。佢就特別緊張成日想贏，呢啲唔係自己講就得㗎！」
另外，有指張學友在《72》片中收低片酬，故需要找來三個臨時演員輪流頂替，志偉說：「學友係收緊以前嘅酬勞。一早傾咗係可以畀時間佢湊女返學同唔開夜班，所以先搵人替佢，荷里活好多戲都係咁，唔關片酬問題。」