昨日記者致電陳國熹，當他獲悉前日在商場暗角處與女伴態度曖昧、又攬又錫全程被拍下時，語氣即時變得緊張，並表示：「其實當時做緊嘢，對方係銀行家，搞投資，傾投資嘢！」問到與對方是否認識很久？何以態度如此親暱？他又稱只是認識「一陣」。再追問身為有婦之夫的他，動作這樣過火怕不怕激嬲太太？他理直氣壯地說：「唔會啩！一般禮節，普通朋友！」本來欲問他怎樣向太太交代，他突然火起：「我唔會再接受你哋訪問！」隨即掛斷電話。