一向貪靚的趙碩之（Wylie），私底下其實十分粗枝大葉，她笑指未知是否自小遭父母寵壞的關係，所以從來不用執拾屋企，Wylie笑謂：「我每次旅行都唔會畀人執屋，因為我啲嘢實在太亂，我驚啲人執完嘢之後，有嘢唔見咗有誤會就唔係咁好。」至於夢夢則與Wylie相反，更笑指自己有潔癖：「我真係小小污糟都忍受唔到，去旅行嘅話，無論咩鐘數，我間房都整齊到好似冇人住咁架！」

趙碩之忍痛把她至愛的餅店和餐廳喬遷。

如此打扮來「洗邋遢」，趙碩之着衫明顯亂咁嚟。

着錯衫捱罵

由於眼見Wylie的「閨房」實在太亂，夢夢忍無可忍下，惟有幫她執拾多餘物件，不過由於Wylie不捨得將物件丟棄，夢夢遂提議她將物件寄存迷你倉，更幫忙她一起將家中雜物搬運過去，令Wylie甚為感動：「我最唔捨得放喺度嘅係嗰兩間屋仔，一間係西餅店，一間係港式茶餐廳，佢哋真係好靚，我用咗好多錢買架，惟有得閒過嚟探吓佢哋啦！」

雖然二人friend過打band，不過夢夢在幫忙Wylie執拾細軟時，二人卻貪玩地打了起來，場面搞笑。由於Wylie執拾當日衣着性感，問她為何「洗邋遢」都要如此惹火時，她即尷尬笑謂：「我着錯衫咯，頭先夢夢都已經話咗我。」

文：影視組　攝：秦健輝