滕麗名以泳衣上陣為新劇拍攝一場浸浴戲，身材向來不特別標青的她竟能谷出一個小小警鐘胸，難怪她笑言全個劇組也很期待這一場戲，最慘是浸到身上有一大陣「羶」味！
昨日，滕麗名為新劇《女人最痛》拍出浴戲份，劇情講她穿上貝殼泳衣浸牛奶浴拍廣告，她的身材從來也不是特別厲害，但躺在浴缸上身稍有移動時，上圍甚具看頭，更谷出一個小小的警鐘胸，非常性感。
拒用顏料
第一次浸牛奶浴的阿滕坦言身上有一大陣「羶」味，又表示：「劇組本來打算開白色顏料，不過我極力要求浸牛奶，用咗幾罐奶粉同一箱鮮奶。其實呢場浸浴戲有幾幕係用替身。（你身材都好，唔使用替身？）多謝，但係替身身材仲勁，個貝殼都遮唔到呀。（胸前有粒假癦？）係呀，可能想人哋注意嗰度啩！」
心口開窿
阿滕又笑言全個劇組也很期待這一場戲，自己於劇中犧牲甚大：「今次喺劇入面有唔少性感場面，要着短裙做啤酒妹，又成日要着low cut衫，或者喺件衫嘅心口剪個大心形窿，之前仲有一場出浴戲拍咗成四十五分鐘，拍完之後我直情焗到有啲暈，要佢哋即刻拎杯凍水畀我飲。（今次咁搏？）係呀，都係應監製要求啦！」問到阿滕拍攝時有否尷尬？她表示與工作人員熟稔所以沒感到尷尬，而監製亦有為她清場拍攝。
文：影視組