曾志偉與導演葉念琛出席電台訪問，對於梁漢文日前在內地登台有人毆鬥的短片在網上流傳，志偉說：「冇睇呀，咁堅？」志偉坦言當年登台亦遇上類似情況，他說：「曾經試過喺內地食消夜，有個人走埋嚟，話我大佬想搵你，之後佢大佬走埋嚟，叫我飲杯，雖然唔知杯嘢係乜，但都要照飲。（唔怕杯嘢有料？）冇辦法，一定要飲，唔飲又話唔畀面，最多返去洗胃。」
志偉踢爆好友譚詠麟早年在荷蘭登台嚇到一額汗，他說：「佢見到第一排有個大佬攞咗支槍出嚟，仲叫佢『哨牙仔唱好啲』，嚇到阿倫唱完由後門走。」志偉強調當遇到有人刻意挑釁，他會採取「扮唔知」態度離開。