自03年公開戀情後，34歲的李心潔與44歲的彭順今日終在大馬度假勝地有「幸福島」之稱的邦咯島外海的私人小島綠中海度假村舉行「粉紅」婚禮，梁詠琪、楊采妮會作姊妹，郭富城則會做兄弟。新郎哥彭順昨日以長途電話接受本報訪問，大談結婚心情。

單身派對告別寡佬

彭順自爆昨晚會舉行單身派對，告別寡佬生涯，早前他拍了一段短片送給心潔，為求看到新娘子的「喊樣」，決定在婚宴才播出。他將婚禮保持神秘，連誰擔任伴郎也大賣關子：「今晚（昨晚）喺單身party睇吓邊個最靚仔，就由佢負責接新娘應付姊妹團，所以伴郎一定要靚仔！（唔怕姊妹團反引誘？）佢哋有分寸，我早有準備，總之馬拉紙、泰銖同港幣都袋定，睇到時邊份着數啲就畀邊份。」迄今彭順還未看過心潔的婚紗，希望為自己帶來驚喜！

AMK心潔獲厚待

彭順的孖生細佬彭發昨與一位女友人及一眾影星出發到馬國。據知，所有賓客抵達吉隆坡機場後，即乘豪華巴士直往邦咯島，豪華巴更直駛入機場禁區，眾賓客只須過了海關便可避開旁人耳目。但此一待遇只有馬國王族或高官才可申請，大抵與心潔曾受封AMK（相當於香港的太平紳士）有關。

心潔的師傅張艾嘉昨日與劉若英、楊采妮、許茹芸等先後抵達吉隆坡機場，抵私人碼頭後齊齊出發到幸福島。除港台藝人好友外，也請了大馬好友參加婚禮。

心潔的八十歲外公黃建能及父母李焯粲和黃燕莉昨日同出發往幸福島，對外孫女出閣，黃建能笑到見牙唔見眼，但不肯說送上甚麼禮物，而黃燕莉透露婚禮會依傳統習俗進行，昨晚舉行拜天公儀式，他們會在島上逗留三日兩夜。

文：專案組