張學友前晚在首映上接受無綫的黎芷珊訪問時，在旁的志偉見問題隔靴搔癢，遂搶咪扮主持，與學友一唱一和，並大唱賀年歌。及後有線的衞志豪以為無綫訪問已完，上前欲訪問學友，嚇得芷珊狼狽彈起，志偉遂叫兩台一齊訪問，被夾在中間的芷珊只好以笑遮醜。學友對着兩台的咪牌以廣東話說：「講國語好辛苦，兩支咪一齊冇界限好開心，係幾十年來嘅驚喜。（開創歷史？）係志偉先做到，我都唔知係咪發緊夢。我聽日都會接受亞視訪問。（點睇新城台長朱明銳寸港台扮大佬？）我建議統一頒獎係我錯，只要有共同準則，具代表性就得。」及後，志偉見衞志豪將咪遞向自己，他說：「你細台閃遠啲，ＴＶＢ係大台乜都講得。（怕得罪無綫？）冇嘢怕，開心就得。（做和事老？）乜問咁嘅嘢！」無綫高層樂易玲則稱：「早知有線出席，多謝幫手宣傳。今次係電影，以後點做遲啲再講。」