本文重點
張敬軒昨日為個唱進行綵排，早前被本報發現與關智斌（Kenny）搬入西貢後，緋聞女友王菀之（Ivana）即「打爛醋埕」向記者質問「當我係咩？」，軒仔即發揮搞笑本能說：「當佢係寶呀！『蓋世寶』！」軒仔又透露個唱「穩膽嘉賓」由同門女新人孟嵐與好友吳浩康擔任，至於Kenny與Ivana？軒仔就不避嫌表示：「仲搵緊佢哋個期，最想請林子祥。」軒仔會否打算趁情人節公開真命天子以闢緋聞？他說：「唔會刻意啦，睇定啲先，依家興地下情嘛，可能去拉斯維加斯先公布。」
加厚裝假狗
適逢「初一情人節」開騷，軒仔透露有「善長仁翁」提供玫瑰花送予早入場觀眾，而軒仔則計劃做媒人，撮合單拖睇騷觀眾，又笑言自己亦於當晚找愛侶，軒仔說：「仲會唱冧歌，其實幾日Rundown都有唔同，配合番節日。」
軒仔表示多得主辦單位支持且斥資灌「水」，個唱除有危險性高台效果外，更從日本送來水晶戰衣，他說：「今次投保七位數字，嗰兩套衫好靚，用咗超過四千粒水晶，因為之前失聲，休息完冇晒肌肉，啲衫都特別厚。」此外，軒仔除捐出傷殘人士座位，尾場收入亦會作慈善用途，分享喜悅。
採訪：音樂組