GiGi昨日出席在海港城舉行的《LOVE LIFE》公益活動，並穿上由台灣藝人陳建州（黑人）親自設計的情人節特別版LOVE LIFE Tee，GiGi大讚活動極具意義，她說：「收益係捐畀『青春無晦行動』，幫助思覺失調嘅人。」問到情人節如何度過？GiGi說：「唔知，未Plan。」隨即問助手情人節是否撞正新年。

男友次要

當知道情人節是大年初一，醒目的GiGi即表示會留給家人，她說：「年初一梗係同屋企人過啦。（男友冇約？）約咗屋企人先。」由於GiGi早前大方披露男友Sly曾向她求婚，問到會否趁新年帶男友見屋企人？GiGi說：「慢慢嚟。（屋企人見過佢？）慢慢嚟啦，唔好講咁多。」

面對挫敗

另外，GiGi透露中學時有同學患上思覺失調，而萌自殺念頭，她說：「每次去醫院探佢都會喊，逃避唔會解決到問題，反而要積極面對。」天生樂觀的GiGi坦言遇上不如意事都會獲朋友及家人開解，問到愛情失意時會如何度過？GiGi說：「愛情係順其自然，人生咁長，唔會因為一刻挫敗而斷送美好人生。」

另外，黑人日前破例和女友范瑋琪穿上情人節限量版LOVE LIFE Tee為雜誌拍攝封面，主要為宣傳慈善基金，提到兩人將到美國度歲，黑人說：「我不會衝動求婚，今年要忙的事很多！」

採訪：音樂組

有此一著

GiGi穿上大會T恤，外披購自日本約三、四千元的格仔外套，配襯熱褲加$7800 Jimmy Choo黑色通窿高踭鞋，盡騷白滑美腿，由於天氣轉涼，GiGi特別以Chanel的Leg Warmmers護腿。