本文重點
梁朝偉昨日以香港影視娛樂大使身份出席「香港影視娛樂博覽」記者會，港姐陳倩揚擔任大會司儀。他透露主演的電影《一代宗師》，正拍攝趙本山和章子怡的雪景戲份，偉仔指導演王家衛將加插他在雪景部分演出。
問偉仔是否因加他戲份而傳出刪章子怡戲份？他說：「呢啲都係是非，導演唔會隨便改戲份。（章子怡心情有冇受影響？）我同佢都未有對手戲。」問偉仔飾演的葉問是否身手了得？他笑說：「一代宗師唔通唔好打咩？拍攝時有身體接觸難免，等緊拍完後先知埋單有幾多傷！（太太劉嘉玲有冇心痛？）冇嘅，呢啲算好，唔需要做手術。」
請教記者氹老婆
《一代宗師》演員陣容不時傳出多個版本，有指章子怡飾演葉問太太。偉仔透露韓國女星宋慧喬將參與演出，他說：「當年《2046》喺韓國首映見過佢，好期待同佢合作。（鞏俐有冇份？）我都係聽聞，但未見到佢。章子怡就演一個北方好武功嘅女仔。（邊個演你太太？）我都未知老婆係邊個！」
問到情人節怎過時，偉仔說：「都係嗰啲啦，食飯咁。（咁行貨？）咁不如你提議，指教吓細佬啦！（送咩？）唔使啦！」
問到有關太太懷孕傳聞時，偉仔竟反問：「邊個呀？（你老婆呀！）梗係唔係，邊度有呀！」另外，在第四屆亞洲電影大獎中，張藝謀榮獲「亞洲電影傑出貢獻大獎」。
文：影視組