每年農曆新年前無綫總會舉行一年一度的《國際中華小姐競選》，但2010年度的競選要延至九月舉行，無綫非戲劇製作總監何麗全說：「押後搞係應內地好多城市嘅主辦單位要求，今年會搞得比往年大一倍，製作費亦增至過千萬元，而無綫亦想喺初選時參與多啲，大約八月各地賽區選出嘅代表會嚟香港，預計有三十多位佳麗，所以有可能會先喺香港搞準決賽，總決賽初步定喺內地舉行，係咪上海仲未決定。」根據流程，部分地區會在五、六月已完成選舉選出代表，部分有可能四月選出，故現在已開始報名中。

苟芸慧延任

由於賽期押後到九月，故應屆香港小姐冠軍劉倩婷無緣參賽，反而由2010年的香港小姐冠軍「新鮮熱辣」做代表，不過劉倩婷未感失望，並有信心新一屆港姐一樣做得好。至於09年的「華姐」冠軍苟芸慧，無端任期延長，但她不介意：「大家都講笑話係我做得好所以畀我做多半年，相信公司都會安排工作畀我，我會珍惜機會。」

至於原本的製作資源，無綫改投放在歌星音樂特輯上，何麗全透露正為八位歌星、組合拍攝音樂特輯，除一線歌星容祖兒外，還有正在上位的歌星、組合包括G.E.M.、曹格、HotCha、泳兒及林峯等。

文：影視組